السلام عليكم ورحمة الله وبركاته
_ _ _ _ _ _ _ _ _ _ _ _ _
تصدق وإلا ما تِصَدِّق .. أنا عَاجِزْ عَنْ التفكـيــــــر
تعَالْ وشُوفْ في عينِيً غِيابكْ وشْ عَمَلْ فينـي
حبيبي ما بُقى عِندي صَبرْ يتْحَمَّـلْ التأخـيــــــر
رَحَلتْ .. وعِقبكْ الدنيا غلاها طاح مِنْ عينـــــي
أجَاوبْ اللِّي يسْألني عَنْ أخْبَاري وأقولْ بخـيـــر
وأنا لا خِير بغيابكْ .. ولا حَاجَهـ .. تهنيـنـــــــــي
على طاريكْ كِلْ لحظه .. ولا أحتاج للتذكـيــــــر
حَريصْ القلب ما ينسَى عيونِكْ , لا توصينــــــي
مَحَدْ يِقْدَر يعَوِّضْنِي لأنِّكْ .. في عيُوني غـيــــــر
ومَهْمَا شِفتْ أنا الفرحَه .. بدونِكْ ما تسلينــي
وكيف الحَالْ وشلوني .. جَوابٍ ما يَبي تفسيــر
بدونِكْ إنتْ ما تِضْحَكْ حَياتي وترْمِشْ سنينــــي
مِثلْ شَاعِرْ عِجَزْ يوصَفْ شعُوره وخانه التعبيــــر
أنا ضايع .. ولا أدري مِنْ فراقِكْ .. أنا وينــــــــي
مِثلْ طيرٍ كِسَرْ بُعْدِكْ جَناحَه وما قِدَرتْ اطيـــــر
أحَاولْ أبْتِسِمْ وأنْسَى ولكنْ وشْ ينسينـي..؟!
أشُوفِكْ في صباحي إنتْ مَعْنَى يا صباح الخـير
وأشُوفِكْ في مَسَائي حِلْم وردي لا تصحينـــي
تِصَدِّق .. السَهَر يَرْسِمْ عيُوني ويتْقِنْ التصويـــر
ويشِقْ النُور في صفحة حياتي .. وما ألاقينــي
أنامْ شلونْ ومشكلتي عِجزتْ ألقى لَهَا تدبيـــر
طِلَبتْ النُومْ .. لحظاته وعيَّا النُوم يعطيـنــــــــي
تغيَّر وجْهَــــي مِنْ أوَّل غيابكْ وإبْتِدَى التأثيـــــر
حبيبي مِنْ التَّعَبْ كافي خذيتْ اللِّي يكفينـــي
يا أغلى مِنْ رَحَل عنِّي يا كِلْ الحُبْ والتقديــــر
تعَاااااالْ إنْ كان لِي عِندِكْ مَعَزَّه وكان تغلينــي
تعَالْ إنْ كِنتْ تعشقني وإذا فِعلاً تبي لي خير
تعَالْ ومِدْ لِي .. كَفْ الوَصِلْ .. وآمِدْ كَفينــــــي
إذا كانْ الجِفا واجِبْ بدى مِنْ قلبي التقصيــــر
أبيكْ الحِينْ .. تِرجَعْ لِي ولا تِرجَعْ تخلـيـنـــــــي
أنا ما أقولْ اللِّي صَار فِيني ما هقيته يصيــــــر
لأنِّي كِنتْ .. ( مِتأكِدْ ) .. بأنْ البُعـد (ينهينـــي)
م ن ق و ل